JUDE: vuê la presentazion!

Il prin progjet di traduzion automatiche dal talian al furlan: plui di 6 agns di lavôr, di linguistiche e di informatiche, ma cumò la SERLING e à un program che al sta a nivel dai tradutôrs automatics plui doprâts e cognossûts. La presentazion e je vuê, il 1 di Dicembar, a 18.00 li de Sale de Fondazion CRUP in vie Manin 15 a Udin.

La mê prime scjalade!

A 34 agns sunâts, ve che mi àn fat il batisim dal cret: une paredute sportive di un 4 grât. Biele e un tic slissute (di fat si clame "Placa"): une esperience pardabon gnove.
La scjalade e je propit une sfide: cun se stes, cul cret, cu la ricercje de soluzion juste e soredut cul sens dal pericul, ancje se il pericul vêr al è une vore relatîf. Un graciis di cûr a Teresa, Alina e Anna!

In mancul di dôs setemanis al rive Jude...

... par savê cui, o ce, che al è Jude, o varês di vignî martars 1 di Dicembar aes 18.00 a Udin, li de sale de Fondazion CRUP, in vie Manin 15 ...
Intant se o sês masse curiôs o podês lei alc achì.

Il Bosc de les Colomates

Te Catalogne Nord (il toc di Catalogne che cumò al è in France), là che i Pireineus a dan sù dal Mediterani, al è un teritori pardabon biel e, almancul tai rilêfs, une vore cuiet e pôc batût dal turisim. Un dai puescj plui interessants al è il Bosc de les Colomates, là che i faiârs a cressin une vore dongje dal mâr.